قصة الحلقة 24

من طرف **bir istanbul masali** الجمعة يونيو 25, 2010 10:26 pm

الحلقه 24

نجاتي يعتذر من شيرين من نومته بالصاله بليلة زواجهم .. بس شيرين مافكرت كثير وماكانت زعلانه منه
على الفطور اعترف امير لاهله عن انفصاله بنور .. عمر ماعجبه تصرف ولده ابدا .. وطبعاً عصب عليه
ايلين وحسام غابوا عن كلاساتهم .. وراحوا يلعبوا بولينق لان ايلين ماتطلع معاك غير مدرستها ..
عمر اصر يعرف السبب الي خلى امير يترك خطيبته .. لما اعترف امير انه يحب اسماء بنت الشوفير .. الامر الي ماخلى ابوه ولا سليم يتقبلون الموضوع
بهاء بدا ينتقم من عائله ارهان .. ووقف الشغل اللي بينه وبين شركتهم ..
اما عمر كان يفكر يطرد جمال وعائلته لهالسبب .. بس بهيه حاولت تهديه وتنسيه هالفكره لان امير يحب بسرعه وينسى بسرعه ..
مدرسه حسام .. استدعت جمال وسوزان وخبرتهم بتدنيء مستوى حسام الدراسي وتغيبه عن المدرسه .. وهالشئ فاجأ اهله لانهم ما توقعو هالشئ .
سليم نادى على اسماء بمكتبه وطلب منها تترك اخوه وماعاد تلحق فيه .. وقال لها انه من فتره كان يلمح لها تترك امير بس اهي ماتفهم وعشان كذا لازم يحكي معاها بشكل مباشر .. وطلب منها ماتفكر في امير لانه قريبا بيتزوج بنت شريكهم ..
امير التقى بنور .. نور الي كانت ندمانه على كل شئ وتبغى من امير ينسى ويفتحون صفحه جديد .. بس امير ماكان راضي ..
امير شاف اسماء تبكي بعد كلام اخوه .. وراح يتكلم مع سليم عن اللي سواه فيها ويترجاه انه مايخرب علاقته باسماء .. وعده انه يصلح علاقة بهاء ونور فيه وانو الانفصال مايأثر على شغلهم بشئ ..
جمال وسوزان عصبوا على حسام بعد اهماله لدراسته الشئ الي خلى حسام ينفجر فيهم معترف بحبه لايلين ..
بهاء الدين راح لسليم .. وخبره ان بنته نور حامل من امير ..
سليم خبر اخوه امير .. انو نور حامل .. بس امير ماصدق الكلام
اسماء راحت تزور اختها وتخبرها باخر اللي صار .. وطلبت منها تساعدها
امير راح لبيت نور حتى يتكلم معاها .. بس رفضت وبعد محاولات اخيرا طلعت معاه ..
وطلب منها تجهض لانه بيكون طفل بدون اب .. بس نور ماخذت بكلامه وقالت لما اهي بتقرر بتسوي هالشئ من دون لايطلب منها ..

انتهت