قصة الحلقة العاشرة

تبدأ الحلقه عند حكمت واهي ناويه تجمع في البنات .. ومو عاجبها كلام عيشه ..



في الفس الوقت وصلت سياره سليم بيه وبهاء الدين .. وفي استقبالهم كانت عيشه ..



وافتتحوا المؤتمر بكلمه من سليم .. عن ماركه تجميل وعن شركته ..



ومن بعدها .. طلعت العارضه واللي كانت .. اسمـــــاء



الكل اتعجب منها واولهم سليم وامير ... اللي مادري ماعرفوها والا انهم ماصدقوا انها اهي اسماء القرويه بنت سواقهم ..



اسماء ماتعودت على الكعب وانها ماتسدخم نظارتها .. فبعد ما انتهت العرض طلعت للغرفه عشان تشيل اللي عليها .. وتلبس نظارتها .. بس عيشه ماعطتها فرصه ورجعتها مره ثانيه .. لان الصحفيين لسام اخلصوا من تصوييرها ..



واسماء كالعاده تتذمر << وجه فقر



في المؤتمر .. حكمت تلقي كلمه تعريفيه عن المعمل واسماء بجنبها تتميلح ..



وسليم .. يشكر عيشه على ترتيب المؤتمر .. وعلى العارضه الحلوة .. واللي ماكان يعرف انها غير اللي متفقين معاها ..



عيشه اضطرت تخبره انها هذي مو العارضه .. بس بديله .. وسليم عاجبه الوضع اهي والا م واهي .. المهم حلوة وبس ..



حسام شاف ايلين وجلس معاها يتكلم .. في انها تغيرت معاملتها بس بعد معرفتها في انه مو ولد عائله ارهان .. بس ايلين كان سببها في انه كان واحد كذاب .. عشان كذا ماعاد تبي تكلمه ..



سليم راح يتكلم مع اسماء .. ويشكرها على اللي سوته لانها على كلامه انقذتهم من فضيحه لو ماكان في عارضه .. وكل هذا قدام عيشه عشان يعلمها انه كاشفها ..



جمال راح يتدين فلوس عشان يصلح السياره اللي سوا فيها حادث .. واستلم السياره .. واصر اهو يدفع قبل لايدفع سليم ..



زينب كانت تحاول تدور اسماء .. واقنعتها ماعاد تلبس النظاره لانها صارت قديمه وماحد يلبسها .. وقررت تشتري عدسات لاصقه ..



بعد شهر



انتهت فتره الستاج .. والكل بيرجع ... وخبرت انسه حكمت بعض الاسماء لازم تراجع الشركه ضروري بعد مايرجعون ..



جمال راح للي تدين منه .. واعتذر منه لانه ماقدر يدبر الفلوس ..



في الليل رجعت اسماء لبيت اهلها .. وانصدمت ان البيت فاضي ومافي احد ..



بس كل هذا كان مفاجاه من اهلها لانهم عارفين انها راجعه ..



في بيت ارهان .. نور زارت امير عشان تحسن العلاقه .. بعد المشاكل الي صارت بينهم .. واعتذرت منه على اللي صار



في فس الوقت كانت اسماء تطالع الشباك على غرفه امير .. واهي تشوف امير يحضن نور .. واسماء تبتسم بألم ..



جمال خبر سليم في انه اهو دفع تصليحات السياره .. لانه اهو المتسبب .. وبرغم رفض سليم الا ان جمال مو راضي باي شئ .. وان التصليح لازم يكون عليه ..



اسماء راحت للشركه عشان الموعد اللي قالت لهم عنه الانسه حكمت .. وبعد ماوصلوا لديانا السكرتيره .. طلع لهم سليم وخبرهم في انهم مقبولين للشغل في الشركه .. كمكأفأه لهم لانهم تميزوا عن غيرهم بفتره الستاج ..



الكل وافق .. بس اسماء رفضت انها ماتبي هالوظيفه ... وقت طلعتها من المكتب .. قابلها امير .. واهو مبسوط بشوفتها .. على اساس انها العارضه ومو عارف انها اسماء بنت سواقهم .. وطبعا اسماء مبسووطه .. غبيه



وعزمها على قهوه ..



في بيت اسماء كانت زينب معاها وفرحانه بخبر وظيفتها .. بس خبرتها اسماء انها ماتبي هالوظيفه .. وزينب مستغربه من كلامها ..



وخبرتها عن امير وعرضه في انه يشرب معاها قهوه .. وزينب كانت مأيده لها ..



في بيت ارهان .. عمر قرر يعرف سليم وامير على اختهم هند .. بس سليم خبره في انه تعرف عليها لما جاته للشركه ..






انتهت